பகுதி - 35
மனநல ஆலோசகரா? அல்லது மனநோயாளியா?
ஆன்லைனில் மனநல ஆலோசகரிடம் மனநல ஆலோசனைக்கு செல்லப் போகிறீரா. உங்களுக்கு தான் இந்த பதிவு.
தோழி ஒருத்தி உறவு சிக்கலில் மாட்டிக் கொண்டு மன உளைச்சலில் தடுமாறிக் கொண்டு இருக்க அவள் தேடி சென்றது சோஷியல் மீடியா மூலம் நட்பு பட்டியலில் பல காலமாக இருந்த அவள் பல பதிவுகளில் கண்டுணர்ந்த மனநல ஆலோசகியிடம் ஆன்லைனிலேயே தன் வருத்தங்களை சிக்கல்களை அ முதல் ஃ வரை கூறி குமைந்து இருக்கிறாள்.
அப்போதைக்கு ஆறுதலாக ஏதோ சொல்லி ஆறுதல் படுத்தியுள்ளார் மன நல ஆலோசகியும்.
மூன்று நான்கு மாதம் கழித்து அந்த மனநல ஆலோசகியை மற்ற சில தோழிகளோடு சேர்த்து பாராட்டிய பதிவில் விருப்பக்குறியீடுகள் இடாமல் அதில் அவரை பாராட்டிய பின்னூட்டங்களுக்கு மட்டும் பதிலிருத்தி இருக்கிறார் மனநல ஆலோசக தோழி.
உடனே ஏன் முன்பு போல் என் பதிவுக்கு வருவதில்லை என்று நேரடியாக தோழி அந்த மனநல ஆலோசகியை கேட்க உன் பதிவு என் டைம்லைன்ல காண்பிக்கவில்லை என்று சொல்லியிருக்கிறார்.
ஏதோ மனம் இடரலாகவே இருக்க தோழி அந்த மனநல ஆலோசகியின் பதிவுகளை அவ்வப்போது கவனித்து இருக்கிறார்.
தன்னை எமோஷனல் அபியூஸிற்கு ஆளாக்கியவர் பற்றி அந்த மருத்துவ தோழியிடம் பகிர்ந்தார் இல்லையா? அந்த எமோஷனல் அபியூஸ் செய்தவர் மருத்துவ தோழியின் வெறித்தனமான க்ரஷ் என்பதை உணர்ந்தார்.
அவ்வப்போது அதை மறைமுக பதிவாகவும் அந்த மருத்துவ தோழி சொல்லவும் செய்திருக்கிறார்.
ஊர் உலகத்தையே ஏமாற்றும் கயவன் கூட தன்னை ஏமாற்ற மாட்டேன் என்கின்றானே என்று psycotherapist தோழி புலம்பிய பதிவை படிக்க நேர்ந்தது அவளுக்கு அதிர்ச்சியாக இருந்தது. தான் எவ்வளவு பெரிய தவறை செய்திருக்கிறோம் என்பதை மிக தாமதமாக உணர்ந்தார். ஆனால் அந்த மனநல ஆலோசகியும் இதே போல அவ்வப்போது எழுதுவதும் உடனடியாக அதை டெலிட்டும் செய்வதை காண முடிந்தது.
இவளின் முன்னாள் காதலனின் காதலுக்கு அந்த மருத்துவ தோழி ஏங்குவதை புரிந்துக் கொள்ள முடிந்தது. திருமணம் ஆகாத சின்ன பெண். மனமுதிர்ச்சியற்றவரிடம் expert என்று நினைத்து சொல்லியது எவ்வளவு தவறு என்று புரிந்தது. ஆனால் அவனோ அந்த மருத்துவ தோழியை அவ்வளவாக கண்டுக் கொள்ளவில்லை. ஏன் என்றால் அவன் ஈர்ப்பு அளவீட்டிற்குள் பார்ப்பதற்கு வெகு சுமாரான அந்த பாவப்பட்ட பெண்ணாக இருந்த அந்த மனநல ஆலோசக தோழி வரமாட்டார். என்ன தான் இருந்தாலும் அவளும் பெண் தானே. காலத்தே பயிர் செய்னு அந்த காலத்தில் பெற்றவர்கள் பிள்ளைகளுக்கு திருமணம் செய்து வைத்துவிடுவார்கள். தற்போது பல பெண்களுக்கு திருமணம் தேவையற்றதாக இருக்கின்றது. தப்பில்லை. ஆனால் உறவு தேவைப்படுகிறது. திருமணம் ஆனவர்களே தடுமாறுகையில் பாவம் திருமணம் ஆகாத சிறு வயதிலேயே தந்தையையும் இழந்த பெண் மனநிலை பரிதாபத்திற்குரியது தான்.
அவள் விரும்பும் ஆணையே இன்னொருத்தியை ஏமாற்றியதாக ஒரு பெண் வந்து சொன்னால் அவளின் மனநிலை எப்படிப்பட்டதாக இருக்கும். அவள் மீது கோபப்பட தான் செய்யும். அதன் விளைவுகள் அவள் கேரக்டரை வீணாக்க அவள் தான் அவள் முன் வாழ்க்கையில் இருந்து கடைசி கடைசியாக வாழ்ந்த வாழ்க்கை வரை உளறித் தொலைத்திருக்கிறாளே. அத்தனையையும் பகடையாக பயன்படுத்த தான் செய்வாள் அவளுக்கு பிடித்த அவனின் கவனத்தை திசைத் திருப்புவதற்காக.
இந்த உலகம் எத்தனை பயங்கரமானதாக இருக்கும் தெரியுமா? சுயநலத்திற்காக யாரையும் எப்படியும் வீழ்த்திவிட துடிக்கும்.
அந்த ஆணழகனின் கவனத்தை திருப்ப அந்த மனநல ஆலோசகி அவ்வப்போது இவளை மறைமுகமாக திட்டி பதிவை இட்டாள். ஏற்கனவே அவருக்கும் இவளுக்கும் இருந்த பகையை தூபம் போட செய்தாள்.
அதை காண்கையில் அதிர்ச்சியாகி அவளிடம் பேச வேண்டி கேட்கையில் அந்த மனநல ஆலோசகியோ எனக்கு நேரம் இல்லை என்று பேசுவதையே தவிர்த்திருக்கிறார்.
அதன் பிறகு அந்த ஆணழகனிடமே சென்று இவள் அவனை பற்றி அவளிடம் சொல்லியதை அவனிடம் என்னவென்று போட்டுக் கொடுத்தாலோ the ball is in his court now. அதை நம்பிக்கை துரோகமாக கருதியவன் அவனால் பாதிக்கப்பட்ட அவளோடு உடலோடு உறவாடிய பாதிக்கப்பட்ட தோழியை பழி வாங்க துணிந்தான். பெண்ணுக்கு பெண் பழி வாங்குவதை விட ஒரு ஆண் பெண்ணை பழி வாங்குவதென்பது வெகு சாதாரணமானதாக இருக்காது. அதிலும் பல பெண்கள் விரும்பக் கூடிய ஆண், பெண்ணை கையாளத் தெரிந்த ஆணின் கைப்பிடியில் அவள் வாழ்வென்பது படு நாசம் தான்.
அதன் விளைவாக அவள் மேல் அவதூறுகள் பரப்பினான்.
அவமானம் தாங்க முடியாத தோழியோ செத்துவிடும் மனநிலைக்கு தள்ளப்பட்டாள்.
அந்த மனநல ஆலோசகியின் நெருக்கமான தோழனாக தெரிந்த ஒருவரிடம் இவள் இதை பற்றி பேச... அவரோ அதுவே ஒரு மனநோயாளி, சைக்கோ. அது கிட்ட போய் சொல்லிருக்கியே என்று அவரை பற்றி சில விஷயங்களை கூறியுள்ளார். அவளே நேரங்காலம் தெரியாம சில ஆண்களை டார்ச்சர் செய்த கதைகளையும் சொன்னார்.
நீங்கள் உறவு சிக்கலில் மாட்டி தடுமாறும் நிலை வரலாம். மன உளைச்சலில் மாட்டலாம். ஆனால் முகநூல் போன்ற சோஷியல் மீடியாக்களில் மன முதிர்ச்சியற்ற psychotherapistகளிடம் சென்று உங்கள் வாழ்வை இன்னமும் குழப்பம் உள்ளதாக சிக்கல் உள்ளதாக ஆக்கி கொள்ளாதீர்கள்.
நேர்மையான மருத்துவர் சில்லறைத்தனமான வேலைகளை சாகும் நிலையிலும் செய்ய மாட்டார்கள்.
மன உளைச்சலா? உறவு சிக்கலா அதற்கான நல்ல நல்ல கிளினிக்குகள் உள்ளன. Confidentialஆக உங்கள் கதைகளை வைத்துக் கொள்ளக் கூடிய மனமுதிர்ச்சி உடைய ஆலோசகர்களை நோக்கி செல்வதே உத்தமம்.
எல்லாருக்கும் மன தடுமாற்றம் வரும். அதற்கு மனநல ஆலோசகரிடம் சொல்வதை விட உங்கள் நலம் விரும்பும் நம்பிக்கைக்குரிய மனிதர்களிடம் மட்டும் பகிருங்கள். அவர்களுக்கு உங்கள் காதலன் க்ரஷ்ஷாக இல்லாமல் இருப்பது அவசியம்.
அதை விடுத்து இங்கே அவர்களுடைய க்ரஷ்ஷை பற்றியே அவர் தன்னுடன் உறவில் இருந்து எமோஷனல் அபியூஸ் செய்தார் என்றால் அதன் விளைவுகள் உங்கள் வாழ்வை நரகமாக்கும்.
கருத்துகள் இல்லை:
கருத்துரையிடுக