❤️❤️❤️
எல்லோருக்குமே மரம் வளர்க்கணும், காய்கறி தோட்டம் போடணும், பூச்செடிகள், அழகு செடிகள் வளர்க்கணும்னு ஆசை இருக்கும். அதனால் தான் மனிதன் தன் விடுமுறை நாட்களில் இயற்கை இணைந்த சூழலுக்கு நகர துடிக்கிறான். ஆனால் நாம் இருக்கும் தற்போதைய சூழலுக்கு வீட்டை விட்டு வெளியே வருவது என்பதே ரொம்ப கஷ்டம்.
நம் வீட்டை சுற்றி வாகாக இடம் இருந்தால் மரம் நடலாம். வித விதமாக செடிகள் வைத்து ரசிக்கலாம். சென்னை போன்ற ஜன நெருக்கடியான இடங்களில் அதற்கு வாய்ப்பு மிக மிக குறைவு. அதுவும் அபார்ட்மெண்ட் போன்ற குடியிருப்பில் இருப்பவர்கள் பால்கனியில் அதி தேவையான செடிகள் (துளசி,கற்பூரவல்லி,தூதுவளை, வல்லாரை,புதினா,கீரைகள் போன்றவை) வளர்க்கலாம்.
அழகுக்கு என்றால் அதற்கும் விதவிதமான தாவரங்கள் உள்ளது(money plant, peace lily,etc.,). ஆக்ஸிஜனும் தரவல்லது.
நான் முதன் முதல்ல செடி வைக்க ஆரம்பிச்சது பக்கெட், பிளாஸ்டிக் சாக்குப்பை, கேன் போன்றவற்றில் தான்.
உங்கள் நேரத்தை பொறுத்தும், இடத்தை பொறுத்தும்,உங்களால் செலவு செய்ய முடியும் அல்லது முடியவில்லை என்றாலும் கூட உங்கள் விருப்பத் தாவரங்களை வளர்க்க முடியும்.
சின்ன வயசில் இருந்தே வாடகை வீட்டில் இருந்தபோது கூட வீட்டிற்க்கு தேவையான தாவரங்கள் எங்கள் வீட்டில் இருக்கும். அதற்கான கிரெடிட் எங்கம்மா மற்றும் பாட்டியிற்கும் தான்...
#பகுதி 1
#மாடிதோட்டம்
#காய்கறிதோட்டம்
#அழகுசெடிகள்
கருத்துகள் இல்லை:
கருத்துரையிடுக